ఆశ్చర్యపోతున్నావెందుకు??

సూర్యుడు తూ రుపునే
ఉదయిస్తున్నాడని ఆశ్చర్యపోయావా?
అమవాస్యన చీకటి
పున్నమున వెలుగెందుకొస్తుందని ఆశ్చర్యపోయావా?
చంటోడు టీలమ్ముతున్నాడు
వెట్టిచాకిరిచేస్తున్నాడని ఆశ్చర్యపోయావా?
ముసలోల్లు ఎందుకు
అడుక్కుంటున్నారని ఆశ్చర్యపోయావా?
ఋతువులు ఒకదాని తరువాత ఒకటి
వస్తున్నాయని ఆశ్చర్యపోయావా?
సకాలంలో వాటి పని అవి
చేశాయా లేదా అని ఆశ్చర్యపోయావా?
పాలిచ్చిన ఆవులు
కటికోని సంతకెందుకెలుతున్నాయని ఆశ్చర్యపోయావా?
చెట్టెందుకు ఆకరాల్చి
మోడుబారిపోతుందని  ఆశ్చర్యపోయావా?
ఎండలు ఎందుకు
ముదిరిపోయాయని ఆశ్చర్యపోయావా?
మరి ఈ దినమెందుకు
రోడ్లపై ఆమ్లెట్లేసి ఆశ్చర్యపోతున్నావెందుకు??
ఒక మొక్కైనా నాటావా??
నీరైనా పోసావా??
దాని పండైనా తిని ఆశ్చర్యపోయావా??

 ---------------------#కుంచె#

#కొత్తదనం#

మోడుబారి తొడిగిన చిగురులో
నిన్ను చూసుకోవడం

గడ్డిపోచపైన మంచు బిందువులో
నీరూపు గీసుకోవడం

నీలాలగగనంలో శ్వేతవర్ణముతో
పిచ్చిగీతలు గీచేస్తుంటాను

తీరంలో మనం వేసిన అడుగుల
గుర్తులు వెతుక్కోవడం
చెరిపిన అలలను చూడకుండా...
 
మళ్లీ మళ్లీ అదే దారిలో
తేనెటీగలా నడుస్తూపోతున్నా...

పదే పదే తడుముతున్నా
గులాబీ రేకుల నునుపు
నీ మోముపై విరభూసిందని

నాలో నువ్వు అనునిత్యం
ఏదో ఓ అనుభూతి కోసం
వెతుకుతుంటావ్

నీలో నేను కలసిపోయి
నీలా ఆలోచిస్తూ
నీజతగా నడుస్తున్నా
నీలో నాలో కోత్తదనం
పరిమళించాలని!!

                    #KuNcHe#

"నాకు దూరమైన నువ్వు"

నాకు దూరమైన నువ్వు
నీకు దూరమైన నేను
చేరో దిక్కులో
ఎందాకని పయనం
తెగిన గాలిపటంలా
ఎందాకని ఎగరటం
తీరం తాకి వెళ్లిన అల
మళ్లీ తీరానికి రాకమానునా?

                     #కుంచె#

వెన్నెల్లో నక్షత్రాలను ఏరమన్నావ్
నీ ప్రేమను పొందడానికి!

సంద్రంలోని నీటిని కొలవమన్నావ్
నీ ప్రేమలలోతు తెలుసుకోడానికి!

ఆకాశమంత ఎత్తు ఎదగాలన్నావ్
నీ ప్రేమనందుకోవడం తేలికకాదనడానికి!

వాయుపుత్రుడయ్యుండాలన్నావ్
నీ ప్రేమను సప్తసముద్రాలకు పరిచయంచేయడానికి!

                             #కుంచె#