సముద్రము నీళ్ళఅనుభవం
మొదటి సారి సముద్రపు నీళ్ళు
నా పాదాలను నన్ను ముద్దాడాయి!
అలుపనేది లేకుండా...
అలసటనేది రాకుండా...
ఎండలు సైతం మరిపించింది!
నురగ నురగగా...
నా దేహానికి అంటుకొని మెరిసాయి!
నన్నూ మెరిసేలా చేశాయి!
పీకల్లోతులో ఆడుకునేలా...
నా మనసును లాగేసింది!
వదలి రాలేక వదులుకోలేక
సముద్రపు కౌగిలిలో...
అలల జోలలలో...
ఆదమరిచి ఆనందములో తేలిపోయా!
గిర్రున రెండు రోజులు గడిసాయి!
అంతంతమాత్రమున్న నా ముఖం
శ్రీ కృష్ణుని రంగును పులుముకొని
చేపల పోలుసులా... ఊడిపోతోంది!
రంగుదేముంది? పౌడర్ రాయొచ్చు!
దేహపు చర్మం పొలుసులుగా రాలితే...
మనం కొత్త షర్టు మార్చుకున్నట్టు
సహజసిద్ధంగా రూపం మార్చుకుంటుంది!
కానీ....
సముద్రపు ఒడిలో ఆడుకోవాలని
నాకు ఊహ తెలిసినప్పటి కల!
తీరం పై నా అడుగులు చూసుకోవాలని
నిదురలో వచ్చే తీయని జ్ఞాపకం!
ఎండ్రకాయలతో ఆడుకోవడం
గవ్వలను ఏరుకొని దాచుకోవడం
నాకు ఏటిలోని అనుభవం!
సముద్రము కూడా తీర్చింది ఆ కోరిక!
మనసారా సముద్రాన్ని ఆస్వాదించా...
నా మనసులోకి ఆహ్వానించా...
ఇక తను బయటికి పోలేదు
నన్ను తాకుతూ నా హృదయంలో
ఉండిపోవాల్సిందే.. స్థిరపడిపోవాల్సిందే!!
- కుంచె శ్రీ
ఎద్దులపల్లి
9908830477
No comments:
Post a Comment